សារអេឡិចត្រូនិច
សេដ្ឋកិច្ច​អាមេរិក ​នៅ​តែ​ដើរ​យឺត​


សេដ្ឋកិច្ច​អាមេរិក​ នៅ​ដំណើរការ​ក្នុង​ល្បឿន​មួយ​យឺត​ដដែល ​ក្នុង​ពេល​ប៉ុន្មាន​សប្តាហ៍​កន្លងមក​នេះ​ ដោយសារ​តែ​មាន​ក្តី​បារម្ភ​កាន់​តែ​ច្រើន​ពី​ផល​ប៉ះពាល់​នៃ​ការ​ដំឡើង​ពន្ធ​ថ្មី​លើ​ការ​ចំណាយ​របស់​អ្នក​ប្រើ​ប្រាស់​ ។​ នេះ​បើតាម​របាយ​ការណ៍​របស់​ធនាគារ​កណ្តាល​អាមេរិក​ដែល​បាន​ឱ្យ​ដឹង​កាល​ពី​ថ្ងៃ​ពុធ​ ទី​៦ មីនា ។​

មន្ត្រី​ធនាគារ​កណ្តាល​លោក​បេក​ ប៊ុក​ (Beige Book) ថ្លែង​ថា ជា​ទូទៅ​សកម្ម​ភាព​សេដ្ឋ​កិច្ច​កើន​ឡើង​ក្នុង​ល្បឿន​មួយ​យឺត​ទៅ​ដល់​ល្បឿន​មួយ​យឺត​បំផុត ។​ របាយ​ការណ៍​សង្កត់​ធ្ងន់​ថា សកម្ម​ភាព​របស់​រដ្ឋា​ភិបាល​ដូចជា​ កាល​ពី​​ថ្ងៃ​ទី​១​ ខែ​មករា បាន​ដំឡើង​ពន្ធ​លើ​ប្រាក់​ខែ​បុគ្គ​លិក​ និង​ច្បាប់​កំណែ​ទម្រង់​សុខ​ភាព​ថ្មី​បាន​ប៉ះ​ពាល់​ដល់​ការ​ចំណាយ​របស់​អ្នក​ប្រើប្រាស់​ ព្រោះ​ថា​វាស្មើ​នឹង​៧០%​នៃ​ទិន្ន​ផល​សេដ្ឋ​កិច្ច ។​

របាយ​ការណ៍​បង្ហាញ​ថា​ សង្កាត់​ភាគ​ច្រើន​ត្រូវ​បាន​រាយ​ការណ៍​ថា មាន​កំណើន​ការ​ចំណាយ​របស់​អ្នក​ប្រើប្រាស់​ ប៉ុន្តែ​ការ​លក់​រាយ​បាន​ធ្លាក់​ចុះ​នៅ​ក្នុង​សង្កាត់​ជាច្រើន​ ។ ការ​លក់​រថយន្ត​មាន​ការ​កើន​ឡើង​នៅ​ក្នុង​សង្កាត់​ជា​ច្រើន​ ហើយ​វិស័យ​ទេសចរណ៍​ក៏​មាន​ភាព​ល្អប្រសើរ​នៅ​ក្នុង​តំបន់​ជា​ច្រើន ។​

តម្រូវ​ការ​សេវាកម្ម​មាន​ភាព​វិជ្ជមាន​នៅ​ទូទាំង​ប្រទេស​ ហើយ​ជា​ការ​កត់​សម្គាល់​គឺ​តម្រូវ​ការ​ក្រុម​ហ៊ុន​ភស្តុភារ​ និង​បច្ចេក​វិទ្យា ។​ របាយ​ការណ៍​បាន​បន្ថែម​ថា​ សម្ពាធ​តម្លៃ​នៅទាប​ លើក​លែង​តែ​កំណើន​តម្លៃ​វត្ថុ​ធាតុ​ដើម​ពិតប្រាកដ​ និង​តម្លៃ​លក់​រាយ​នៅ​ក្នុង​សង្កាត់​ជា​ច្រើន​ ។​ ស្ថានភាព​ទីផ្សារ​ការងារ​មាន​ភាពល្អប្រសើរ​ បើ​ទោះ​បី​ជា​សង្កាត់​ជាច្រើនត្រូវបាន​រាយ​ការណ៍​ថា ខក​ខាន​មិន​បាន​ជួល​បុគ្គលិក​ក៏​ដោយ ៕​