សារអេឡិចត្រូនិច
ឡាយ​អិន​​ស្ព័ត​ក្លឹប​ជា​ជម្រើស​ដ៏​ល្អ​សម្រាប់​អ្នក​ចូល​ចិត្ត​​កីឡា​បាល់​ទាត់


រាជ​ធានី​ភ្នំពេញ ៖ ដោយ​មើល​ឃើញ​ពី​​ភាព​រីក​ចម្រើន​លើ​វិស័យ​កីឡា​បាល់​ទាត់ ក៏​ដូច​ជា​មាន​បំណង​ចូល​រួម​ចំណែក​​លើក​កម្ពស់​វិស័យ​កីឡា​បាល់​ទាត់​នៅ​កម្ពុជា​ផង​ដែរ​នោះ ឡាយ​អិន​ស្ព័ត​ក្លឹប បាន​បង្កើត​ទីលាន​ប្រកួត​​កីឡា​បាល់​ទាត់​មួយ​កន្លែង​ស្ថិត​នៅ​ភូមិ​ចំរើន​ផល សង្កាត់​បឹង​ទំពុន ខណ្ឌ​មាន​ជ័យ រាជ​ធានី​ភ្នំពេញ ទល់​មុខ​​​មន្ទីរ​ពេទ្យ​មិត្ត​ភាព​ខ្មែរ-​សូវៀត ស្ពាន​ទី១ ។

លោក​សេង ប៊ុន​ធឿន ជា​ម្ចាស់​​ឡាយ​អិន​ស្ព័ត​ក្លឹប​បាន​ឱ្យ​ដឹង​ថា ទីលាន​បាល់​ទាត់​ដែល​លោក​បាន​បង្កើត​ឡើង​នេះ​​មាន​ចំនួន​២​ ដែល​ទីលាន​នីមួយ​ៗ​​មាន​ទំហំ​​២៤​ម៉ែត្រ គុណ​១៤​ម៉ែត្រ​ ដោយ​មាន​ដាំ​ស្មៅ​សិប្ប​និម្មិត​ទន់​ល្មើយ​នាំ​ចូល​មក​ពី​បរ​ទេស ហើយ​ជា​ទីលាន​ដែល​មាន​លក្ខណៈ​ស្តង់​ដា​អន្តរ​ជាតិ ។ ទីលាន​បាល់​ទាត់​នេះ​អាច​បង្ក​​លក្ខណៈ​កាន់​តែ​ងាយ​ស្រួល​​ចំពោះ​មន្ត្រី​រាជ​ការ​ ​​បុគ្គ​លិក​ក្រុម​ហ៊ុន ឬ​អ្នក​ប្រកប​របរ​​ការ​ងារ​ផ្សេង​ៗ​​ពេល​សម្រាក​ពី​ការ​ងារ​អាច​ចូល​លេង​ដើម្បី​បង្កើន​សុខ​ភាព​ប្រចាំ​ថ្ងៃ ។

លោក​សេង ប៊ុនធឿន ឱ្យ​ដឹង​ទៀត​ថា ទីលាន​បាល់​ទាត់​ឡាយ​អិន​ស្ព័ត​ក្លឹប​នេះ​ មាន​ទីកន្លែង​​សម្រាប់​ចត​យាន​យន្ត​​ធំ​ទូលាយ​ មាន​បរិយា​កាស​ល្អ មិន​តែ​ប៉ុណ្ណោះ​អ្នក​ដែល​រវល់​ការ​ងារ​ពេល​ថ្ងៃ​អាច​ចូល​លេង​នៅ​ពេល​យប់​បាន ព្រោះ​ថា​នៅ​ទីលាន​មាន​បំពាក់​ទៅ​ដោយ​ភ្លើង​ហ្វា​ធំ​ៗ​ភ្លឺ​ច្បាស់​ដូច​ជា​ពេល​ថ្ងៃ​ដែរ ដោយ​មាន​ប្រក់​យ៉ាងល្អប្រណីត។ លោក​​អ្នក​ដែល​មាន​បំណង​ចង់​ចូល​លេង​ពេល​ថ្ងៃ​ គឺ​គ្រាន់​តែ​ចំណាយ​ប្រាក់​ត្រឹម​តែ​៧-៨​ដុល្លារ​ និង​ពេល​យប់​១១-១២​ដុល្លារ​ប៉ុណ្ណោះ​សម្រាប់​រយៈ​ពេល​១​ម៉ោង នោះ​លោក​អ្នក​អាច​​លេង​បាន​យ៉ាង​សប្បាយ​រីក​រាយ​ជា​មួយ​មិត្ត​ភក្តិ​រួម​ការ​ងារ ។

គួរ​បញ្ជាក់​ផង​ដែរ​ថា ទីលាន​បាល់​ទាត់​ឡាយ​អិន​ស្ព័ត​ក្លឹប​​ដែល​មាន​ឈ្មោះ​ថា Gold អាច​លេង​ក្នុង​ម្ខាង​មាន​គ្នា​៥​ទៅ​៦​នាក់ ដែល​ជា​ទីលាន​មាន​លក្ខណៈ​ស្តង់ដា​អន្តរ​ជាតិ ជា​ពិសេស​នៅ​ពេល​ដួល​មិន​បង្ក​ឱ្យ​មាន​របួស​ស្នាម​ដល់​អ្នក​លេង​ឡើយ ។លោក​សេង ប៊ុន​ធឿន ឱ្យ​ដឹង​ទៀត​ថា ឡាយ​អិន​​ស្ព័ត​​ក្លឹប​កំពុង​​​រៀបចំ​ទីលាន​បាល់​ទាត់​មួយ​កន្លែង​ទៀត​​ដែល​​មាន​​ឈ្មោះ​ថា Platinum ​អាច​លេង​បាន​​ម្ខាង​​១១​នាក់​ ជា​លក្ខណៈ​អន្តរ​ជាតិ​ក្នុង​ពេល​ឆាប់​ៗ​ខាង​មុខ​នេះ​ចម្ងាយ​ពី​​ឡាយ​អិន​ស្ព័ត​ក្លឹប​ Gold ៣០០​ម៉ែត្រ ៕