សារអេឡិចត្រូនិច
ហេតុអ្វីនារីងាយ យំ ជាងបុរស


មនុស្ស​មិនតិច​ទេ តែងមាន​ការងឿងឆ្ងល់​ថា ហេតុអ្វី​នារីៗ​អាច​យំ​ខ្សឹកខ្សួល បាន​យ៉ាង "​ងាយ​" គ្រា​ដែល​ក្នុងស្ថានភាព​ដូចគ្នា​នោះ បុរសៗ "​ប្រឹង​" យំ​ក៏​មិន​ងាយ​មាន​ទឹកភ្នែក​ដែរ ។​ ​តាម​អ្នកវិទ្យាសាស្ត្រ ទឹកភ្នែក​ទាំងអស់​រប​ស់​យើងត្រូវ បាន​ត្រួតត្រា​ដោយ​ប្រព័ន្ធ​សរសៃប្រសាទ​ម្ចាស់ការ ហើយ​ប្រព័ន្ធ​នេះ​ទទួលបន្ទុក​ទាំង​តួនាទី បញ្ជា​ចង្វាក់បេះដូង និង​ការរំលាយ​អាហារ ។​

​សាស្ត្រាចារ្យ Bernard Chang វេជ្ជបណ្ឌិត​ភ្នែក នៃ​សាកលវិទ្យាល័យ​មហាក្សត្រអង់គ្លេស បានលើកឡើងថានៅគ្រា​ដែល​ប្រព័ន្ធ​សរសៃវិញ្ញាណ (Parasympathetic nervous Systom) ដែល​ញ័រ ​របស់​ប្រព័ន្ធ​សរសៃប្រសាទ​រង​ឥទ្ធិពល​ពី​អារម្មណ៍ នឹង​បង្ក​ការ​ច្របាច់​ក្រពេញ​ទឹកភ្នែក ជួយ​ឲ្យ​យើង​រំសាយ​អារម្មណ៍ រំដោះ​ក្តី​មួរ​ហ្មង ។​ ជាធម្មតា​មនុស្ស​យើង មាន​និន្នាការ​យំ នៅពេល​ជួបប្រទះ​រឿង​ទុក្ខសោក​អស់សង្ឃឹម ។ ក្រៅពីនេះ វា​នៅ​ជា​សញ្ញា​មួយ​ប្រាប់ថា ត្រូវការ​ជំនួយ ។ លោក​បាន​ឲ្យ​ដឹង​ទៀតថា មនុស្ស ​គឺជា​សត្វលោក​តែមួយគត់​ដែល​អាចបង្កើត បាន​តំណក់ទឹកភ្នែក​នៃ "​អារម្មណ៍​" ហើយ​ពួកគេ​នឹង "​យំ​ច្រើន​" ប្រសិនបើ​កើត​ក្នុង​ត្រកូលដែល​ងាយ "​ស្រក់​ទឹកភ្នែក​" នេះ ។​

​បំណកស្រាយ​ចំណោះ​ករណី ដែល​នារី​ងាយ​យំ​ជាង​បុរស អ្នកជំនាញ​ការលើកឡើង​ថា Testosterone អ័រម៉ូន​ដ៏​សំខាន់ របស់បុរសៗ​មាន​ច្រើន ​វា​ដើរតួនាទី​គំនាប​លើ​ទម្លាប់​យំ ។ ផ្ទុយទៅវិញ​អ័រម៉ូន​នេះ ទៅលើ​សរីរាង្គ​នារី​មាន​តិច ធ្វើ​ឲ្យ​គេ "​ទន់ខ្សោយ​" ងាយ​យំ ។​ លោក Bernard Chang បាន​ទាញយក​ទឡ្ហីករណ៍​១​ថា  យើង​សម្លឹង​ឃើញ​ប្រការ នេះ​យ៉ាងច្បាស់​ក្នុង​បញ្ហា​ប្តូរ​ភេទ ។ អ្នក​ដែល​ប្តូរ​ទៅជា​នារី​ភេទ តែង​ប្រាប់​យើងខ្ញុំ​ថា គេ​យំ "​ច្រើនជាង​"​ មុន ហើយ​បើ​ប្តូរ​ជា​បុរស​វិញ​នោះ គឺ "​លំបាក​" យំ​តែម្តង ។​ លោក​ទូន្មាន​ថា កា​រយំ​ពុំមែន​ជា​រឿង​មិនល្អ​ទាំងអស់​ទេ ។ យំ​វា​ជួយ​សម្អាត​ធូលី​កង្វក់ មេរោគ ឬ​សារធាតុពុល ។ ហេតុនេះ​អ្នក​ពុំ​ត្រូវ​ប្រឹងប្រែង "​ឃុំឃាំង​" មិន​ឲ្យ​វា​ផ្ទុះ​ចេញ​ឡើយ ៕