សារអេឡិចត្រូនិច
ថ្ងៃ​លិច​នៅ​ស្ពាន​សេ​កុង ពិតជា​គួរ​ឲ្យ​គយគន់ ពី​នាក់​សំណព្វចិត្ត


ព្រះអាទិត្យ​រៀប​អស្ដង្គត​នៅ​ស្ពាន​សេ​កុង ក្រុង​ស្ទឹង​ត្រែង បាន​ចាំង​ផ្លា​ត​នៅ​លើ​ផ្ទៃ​ទឹក ប្រៀប​នឹង​គ្រាប់ពេជ្រ រំលេច​ជា​ពណ៌​មាស គួរ​ឲ្យ​គយគន់​មិន​ជិនណាយ ធ្វើ​ឲ្យ​អារម្មណ៍​ស្រស់ស្រាយ ស្បើយ​អស់​ទុក្ខ​កង្វល់​។​ស្ពាន​មិត្តភាព​កម្ពុជា​-​ចិន - សេ​កុង សាងសង់​នៅ​ឆ្នាំ​២០០៧ មាន​ប្រវែង ១០៥៧​ម៉ែត្រ ទទឹង​១១​ម៉ែត្រ ឆ្លងកាត់​ទន្លេសេកុង ពី​ទីក្រុង​ស្ទឹង​ត្រែង ទៅ​ត្រើយម្ខាង​ទៀត លើ​ផ្លូវជាតិ​លេខ​៧ ក្នុង​គោលដៅ​ទៅ​ព្រំដែន​ឡាវ​។ ក្រៅពី​បម្រើ​ដល់​ការ​ធ្វើ​ដំណើរ​របស់​ប្រជាពលរដ្ឋ​ឲ្យ​មាន​ភាព​ងាយស្រួល ស្ពាន​នេះ ក៏​ជាទី​កន្លែង​ដ៏​ពេញ​និយម សម្រាប់​យុវវ័យ​ទៅ​ទស្សនា​ថ្ងៃ​លិច ពេល​ល្ងាច​ៗ​ផង​ដែរ ដើម្បី​រំសាយ​ភាព​តានតឹង និង​មើល​ទេសភាព​ស្រូប​យក​ខ្យល់អាកាស​បរិសុទ្ធ ឲ្យ​មាន​អារម្មណ៍​ស្រស់ស្រាយ​ឡើង​វិញ​។