សារអេឡិចត្រូនិច
ខែកត្តិក​ធ្លាក់​ខ្យល់​ពី​ជើង អ្នកនេសាទ​ខេត្តតាកែវ​ប្ដូរ​វេន​គ្នា​បង់សំណាញ់​នៅ​ស្ពាន​មួយ


រៀង​រាល់​ឆ្នាំ អោយ​តែ​ដល់​ខែកត្តិក ប្រជា​នេសាទ​ពី​ទី​ជិត​ឆ្ងាយ បាន​សម្រុក​ទៅ​នេសាទ​ត្រី​នៅ​ស្ពាន ១​កន្លែង ក្នុងភូមិ​ស​ន្តូ​ប ឃុំ​អង្គ​កែវ ស្រុក​ទ្រាំង ខេត្តតាកែវ​។ ចំណែក​ក្នុង​ឆ្នាំ​២០១៦ នេះ អ្នក​បង់សំណាញ់​ប្រមាណ​ជាង ២០​នាក់ បាន​ឈរ​ចាំ​តាម​វេន​ផ្លាស់​គ្នា​ម្ដងម្នាក់​ដើម្បី​រក​ត្រី​រៀង​ៗ​ខ្លួន​។​បុរស​វ័យ​កណ្ដាល​ម្នាក់​ឈ្មោះ សុខា មក​ពី​ភូមិ​ស​ន្តូ​ប ឃុំ​អង្គ​កែវ​បាន​ប្រាប់ថា ស្ពាន​នេះ​ជាទី​ប្រសប់​នៃ​ខ្សែទឹក​ចម្រុះ​ប្រទាក់​គ្នា​សំបូរ​ដោយ​ហ្វូង​មច្ឆា​រួម​មាន​ត្រី​ក្រាញ់ ត្រី​អណ្តែង ត្រី​ផ្ទក់ ជា​ពិសេស​ត្រី​ឆ្លូញ​តែ​ម្តង​។ លោក សុខា បន្ត​ថា​រាល់​ឆ្នាំ ចាប់ពី​ចុងខែ​វិច្ឆិកា​ដល់​ពាក់កណ្តាល​ខែធ្នូ គាត់​តែងតែ​មក​បង់សំណាញ់​នៅ​ស្ពាន​នេះ​ដោយ​អារ​ម្ម​ណ៏​រីករាយ​ជាមួយនឹង​ជំនោ​បក់​យ៉ាង​ត្រសៀក​មក​ពី​ទិស​ខាងជើង ដោយ​ក្នុង ១​ថ្ងៃ​រក​ត្រី​បាន​មិន​តិច​ជាង ៥​គីឡូ​ទេ​។