សារអេឡិចត្រូនិច
សម្តេច​តេ​ជោ ហ៊ុន សែន អញ្ជើញ​ជា​អធិបតី បើក​កិច្ចប្រជុំ​តុមូល​ចិន លើក​ទី​៥ នៅ​សៀមរាប


ភ្នំពេញ​: នៅ​ព្រឹក​ថ្ងៃ​ទី ២០ ខែ មីនា ឆ្នាំ​២០១៧​នេះ សម្តេច​អគ្គ​មហា សេនាបតី​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា នឹង​អញ្ជើញ​ចូលរួម ជា​អធិបតី ដ៏​ខ្ពង់ខ្ពស់ បើក​កិច្ចប្រជុំ​តុមូល​ចិន លើក​ទី​៥ ស្តី​ពី​ការ​ចូល​ជា​សមាជិក អង្គការ​ពាណិជ្ជកម្ម ពិភពលោក (WTO) នៅ​សណ្ឋាគារ​សុខា ខេត្តសៀមរាប​។

កិច្ចប្រជុំ​នេះ មាន​រយៈពេល ៣ ថ្ងៃ ចាប់ផ្តើម​ពី​ថ្ងៃ​ទី ២០-២៣ ខែ មីនា ឆ្នាំ ២០១៧ ក្រោម​ប្រធានបទ «​ឧត្ត​មា​នុ​វត្ត​ន៍ ស្តី​ពី​ការ​ចូល​ជា​សមាជិក នៃ​ប្រទេស​អភិវឌ្ឍន៍​តិចតួច (LDCs)» ដែល​ត្រូវ​បាន​ផ្តួចផ្តើម​ឡើង ដោយ​រដ្ឋាភិបាល​ប្រទេស​ចិន សហការ​ជាមួយ WTO និង​រដ្ឋាភិបាល នៃ​ប្រទេស ជា​ប្រធាន​ក្រុម​សម្របសម្រួល ប្រទេស​អភិវឌ្ឍន៍​តិចតួច ក្នុង​គោលបំណង ដើម្បី​ចែករំលែក​ចំណេះដឹង និង​បទ​ពិសោធន៍​ល្អ​ៗ ជូន​ដល់​ក្រុម​ប្រទេស LDCs ដទៃ​ទៀត ដែល​សុំ​ចូល​ជា​សមាជិក WTO ឲ្យ​ជោគជ័យ​ដូច​កម្ពុជា រួម​ទាំង​ប្រទេស LDCs ចំនួន​៨ ផ្សេង​ទៀត ៕

ព័ត៌មានថ្មីៗ