សារអេឡិចត្រូនិច
ចិន និង​រុស្ស៊ី បញ្ជូន​នាវា​ឈ្លបយកការណ៍​ដេញតាម "​កង​នាវាចម្បាំង​" របស់​ត្រាំ មក​ដែនទឹក​កូរ៉េខាងជើង


 ​យោងតាម​ប្រភពព័ត៌មាន​ដេលី​មែ​ល​កាលពី​ថ្ងៃ​ចន្ទ ទី​១៧ មេសា បានឱ្យដឹងថា ចិន និង​រុស្ស៊ី​បាន​បញ្ជូន​នាវា​ប្រមូល​ព័ត៌មាន​ស៊ើបការណ៍​សម្ងាត់ "​ដេញតាម​" កង​នាវាចម្បាំង​របស់​ដូ​ណា​ល់ ត្រាំ មក​ដែនទឹក​កូរ៉េខាងជើង​។

​    ​ប្រធានាធិបតី​អាមេរិក​បាន​បញ្ជូន​នាវា​ផ្ទុក​យន្តហោះ USS Carl Vinson ដំណើរការ​ដោយ​ម៉ាស៊ីន​រ៉េ​អា​កទ័រ​នុយក្លេអ៊ែរ ដែល​ផ្ទុក​យន្តហោះ​ជិត ១០០ គ្រឿង និង អមដោយ​នាវា​ពិឃាត​ជាច្រើន​គ្រឿង នាវា​ល្បាត​មួយគ្រឿង និង នាវាមុជទឹក​មួយគ្រឿង​មកកាន់​ឧបទ្វីប​កូរ៉េ​។

​    ​ប៉ុន្តែ​មាន​របាយការណ៍​ជាច្រើន​ក្នុង​តំបន់​លើកឡើងថា កង​នាវា​នេះ​កំពុង​ត្រូវបាន​តាមដាន​ដោយ​នាវា​ដែលជា​កម្មសិទ្ធិ​របស់​ក​ង​ទ័ពជើងទឹក​ចិន និង​រុស្ស៊ី ចំពេល​មានការ​ព្រួយបារម្ភ​ខ្លាំង​ឡើង​ជុំវិញ​ការបញ្ជូន​កង​នាវាចម្បាំង​របស់​អាមេរិក​។

​    ​ការអះអាង​បែបនេះ​ត្រូវបាន​ធ្វើឡើង​ដោយ​ប្រភព​ជាច្រើន​ពី​រដ្ឋាភិបាល​ជប៉ុន​។ នេះ​បើ​យោងតាម​កាសែត Yomiuri Shimbun​។​

​    ​នាវា​ចិន​និង​រុស្ស៊ី​តាម​សេចក្តីរាយការណ៍ គឺ​បាន​កំពុង​រៀបចំ​ផែនការ​ពង្រឹង "​សកម្មភាព​ព្រមាន និង ឈ្លបយកការណ៍​" នៅក្នុង​តំបន់​។

​    ​ដំណឹង​នេះ​កើតឡើង ខណៈដែល​រុស្ស៊ី​បាន​ព្រមាន​វ៉ាស៊ីនតោន ប្រឆាំងនឹង​ការវាយលុក​ជា​ឯកតោភាគី​លើ​កូរ៉េខាងជើង បន្ទាប់ពី​អនុ​ប្រធានាធិបតី​អាមេរិក លោក ម៉ៃ ផេ​ន និយាយថា "​សម័យកាល​នៃ​ការអត់ធ្មត់​ជា​យុទ្ធសាស្ត្រ​" ជាមួយ​ព្យុងយ៉ាង​បាន​ចប់​ហើយ​។

​    ​រដ្ឋមន្ត្រីការបរទេស​រុស្ស៊ី លោក សឺ​ហ្គេ ឡាវ​រ៉ូ​វ បាន​និយាយ​នៅ​សន្និសីទកាសែត​ក្នុង​ទីក្រុង​មូ​ស្គូ​ថា "​នេះ​ជា​វិថី​ប្រកបដោយ​ហានិភ័យ​ខ្លាំងណាស់​"​។

​    ​លោក​និយាយថា "​យើង​មិន​ទទួលយក​នូវ​សកម្មភាព​កាំជ្រួច​នុយក្លេអ៊ែរ​មិន​ប្រុងប្រយ័ត្ន​របស់​ព្យុងយ៉ាង ដែល​រំលោភ​សេចក្តីសម្រេច​របស់​អ​.​ស​.​ប ទេ ប៉ុន្តែ​មិន​មានន័យថា អ្នក​អាច​រំលោភច្បាប់​អន្តរជាតិ​បានឡើយ​។ ខ្ញុំ​សង្ឃឹមថា នឹង​មិនមាន​សកម្មភាព​ឯកតោភាគី​ណាមួយ​ដូច​សកម្មភាព​ដែល​យើង​បានឃើញ​ថ្មីៗ​នេះ​នៅក្នុង​ប្រទេស​ស៊ី​រី​នោះឡើយ​"៕

ប្រភពរស្មីកម្ពុជា

ព័ត៌មានថ្មីៗ