សារអេឡិចត្រូនិច
បុរស​ម្នាក់ត្រូវ​ម៉ាស៊ីនបោកស្រូវកិន​ដាច់​ជើងឆ្វេង​ម្ខាង


​ព្រះវិហារ៖ ​បុរស​ម្នាក់​ឈរលើ​ម៉ាស៊ីនបោកស្រូវ​ក៏​រអិល​ជើង​ផុង​ចូល​ម៉ាស៊ីន​ត្រូវ​កិន​ជើង​ហ្មត់​ដាច់​ជើងឆ្វេង​បណ្តាល​ធ្វើឱ្យ​ហូរឈាម​និង​សន្លប់​បាត់ស្មារតី​​ភ្លាមៗ​នៅ​និង​កន្លែង​។ ​ហេតុ​ការ​ណ៏​គួរឱ្យ​រន្ធត់​នោះបាន​កើតឡើង​ស្ថិតនៅក្នុង​វាលស្រែ​ភូមិ​ឆែប​កើត​ ឃុំ​ឆែប​មួយ​ ស្រុក​ឆែប​ ខេត្តព្រះវិហារ​​ កាលពី​ថ្ងៃទី​២៦​ ខែវិច្ឆិកា ​ឆ្នាំ​២០១៧​។​ ​ប្រភព​ពត៌មាន​ពី​សាច់ញាតិ​បានឱ្យដឹងថា ​ជនរងគ្រោះ​បាន​រអិល​ជើង​ផុង​ចូល​ម៉ាស៊ីនកិនស្រូវ​បណ្តាលឱ្យ​រងរបួស ​បាន​ដឹក​ទៅ​សង្គ្រោះ បន្ទាន់​នៅ​មណ្ឌល​សុខភាព​ឆែប​។​ ដល់​ថ្ងៃទី​២៧ ​ខែវិច្ឆិការ​ បាន​ដឹក​បន្ត​ទៅកាន់​មន្ទីរពេទ្យបង្អែក​១៦​មករា​ខេត្តព្រះវិហារ​។​

សមត្ថកិច្ច​មូលដ្ឋាន​ឃុំ​ឆែប​មួយ​បានឱ្យដឹង​ថា នៅ​ព្រឹក​ថ្ងៃទី​២៧​ ខែវិច្ឆិកា ​ថា​បុរស​ដែល​រងរបួស​ដាច់​ជើង​ម្ខាង​ដោយ សារ​បោក​ស្រូវ​ខុស​បច្ចេកទេស​នោះ​មានឈ្មោះ​ខៀវ​ សុ​ភី​ន​ ភេទ​ប្រុស​ អាយុ​៣៩​ឆ្នាំ​ ជា​កសិករ​រស់នៅ​ភូមិ​ឆែប​កើត ​ឃុំ​ឆែប​មួយ​ ស្រុក​ឆែប​ ខេត្តព្រះវិហារ​។​

លោក​សុខ​សាន​ណ្ណា​រ៉ា​ អភិបាលស្រុក​ឆែប​ បាន​ថ្លែង​ទៅកាន់​បងប្អូន​ប្រជាពលរដ្ឋ​សូម​បងប្អូន​ត្រូវមានការប្រុងប្រយ័ត្ន​ខ្ពស់​ជាពិសេស​ពេល​យក​ម៉ាស៊ីន​ទៅ​ច្រូតកាត់​ស្រូវ​ និង​ពេល​បោក​ស្រូវ​ត្រូវមាន​ការប្រុងប្រយ័ត្ន​ព្រោះ​វា​ជា​គ្រឿង​ម៉ាស៊ីន ​បើ​យើង​ប្រហែស​ ឫ​មិន​ប្រុងប្រយ័ត្ន​ទេនោះ ​វា​និង​បង្ក​ឱ្យ​យើង​មាន​គ្រោះថ្នាក់​បាន​គ្រប់ពេលវេលា​​៕